TARDO

É semellante a un transno pero moito máis malévolo. É un ser pequeno e peludo, con moitos dentes, de cor verde, con ollos negros e redondos; ten barba e leva roupa vella e gorra vermella. Ademais, diferénciase dos demais trasnos porque leva unha espada pequena e afiada. Habitualmente vive baixo terra e cava pequenos buratos polos que pode colarse nas casas. Unha vez dentro, encántalle fisgonear, pero a pesar de ser moi curioso, acaba deixando as cousas tal e como as atopa. A súa diversión favorita é sentarse no peito das persoas mentres dormen, provocándolles, ademais dunha gran opresión, dor e terribles pesadelos. É moi covarde, e nada intelixente, e cando se atopa nunha situación difícil, non dubida en suplicar mansamente para ser liberado. Ademais, ten medo aos gatos e aos cans porque poden velo facilmente. Aínda que é de tamaño moi pequeno, pesa moito. Aproveita a escuridade da noite para entrar nas casas dos que están durmindo, e así sentar no seu peito, provocándolles terribles pesadelos e dor no peito, coma se tivesen unha gran pena por dentro.